Вясной 1928 года у вёсцы арганізавана камуна «Спартак», а ў снежні 1929 года створаны калгас «Прамень камунізму» (спачатку аб'ядноўваў 10 гаспадарак) пры актыўным удзеле 25–тысячніка, начальніка Віцебскага тэкстыльнага камбіната Собалева i мясцовага .жыхара, камуніста, удзельніка грамадзянскай вайны А. Н. Ціханава. Актыўнымі змагарамі за новы лад у вёсцы былі: Сліжыкаў Дзяніс Іосіфавіч, Абозаў Мартын Антонавіч, Ярмоленка Нікіфар Дзмітрыевіч, Ціханаў Канстанцін Мікітавіч, Усцінаў Мацвей Сяргеевіч, Лакрысенка Даніла Якаўлевіч, Ракаў Якаў Захаравіч, Грэкаў Захар Лук’янавіч. У канцы 1930-х гадоў , у выніку ссялення хутароў у вёсцы стала 120 двароў, 620 жыхароў.

​

Абслугоўвала калгас Фашчаўская, а з 1937 г. Любініцкая МТС. У канцы 1930–х г. у выніку ссялення хутароў узніклі 3 новыя вуліцы,  веска налічвала 120 двароў, 620 жыхароў.  3 20.2.1938 г. у Магілёўскай вобл.

​

У Вялікую Айчынную вайну у ліпені 1941 г. акупіравана нямецка-фашысцкімі захопнікамі.  Вызвалена 27.6.1944 г. перадавым атрадам 252–га стралковага палка 70–й дывізіі пад каманда­ваннем В.В.Піліпаса.   Пасля вызвалення вёскі ад нямецкіх акупантаў калгаснікі ўзяліся за аднаўленне разбуранай гаспадаркі. Не было тэхнікі, коней, семяннога фонда. Амаль усю пасяўную плошчу апрацоўвалі ў ручную. Потым прыгналі кароў, коней, з’явіліся першыя трактары. Пачалі будаваць памяшканні для жывёлы, тэхнікі.

 

Першым старшынёй пасля вызвалення вёскі быў жыхар вёскі Гарадзец – Ціханаў Кандрат Міхайлавіч. У 1949 г. па ініцыятыве камуністаў калгаса «Прамень камунізму» быў узбуйнены. У састаў яго ўвайшлі калгасы «Іскра», «Прамень камунізму», «Другая пяцігодка», калгас імя Сталіна. Узначаліў аб’яднаны калгас  Цырульнікаў Іван Макаравіч. У 1959 г. калгас «Прамень камунізму» ўвайшоў у састаў саўгаса «Спартак».

​

У 1961 годзе быў арганізаваны саўгас «Гарадзец», у склад якога ўвайшлі наступныя вёскі: Аўгустова, Башкіраўка, Гарадзец, Княжыцы, Крывель, Новыя Чамаданы, Путнікі, Слабодка, Хадулы. Вёска Гарадзец стала цэнтральнай сядзібай саўгаса. Першым кіраўніком гаспадаркі быў назначаны Радзькоў Уладзімір Антонавіч. Агульная зямельная плошча саўгаса «Гарадзец» складала 8552 га., з іх пахатнай зямлі – 5850 га., сенакосных угоддзяў – 1420 га.

​

З  01.10.1965г. вёска стала цэнтрам Гарадзецкага сельскага Савета.

​

У сакавіку 1965 г. саўгас узначаліў – Зарубіцкі Апанас Фёдаравіч. За час яго кіравання  ў саўгасе былі зроблены вялікія змены: уведзены ў строй майстэрня, жывёлагадоўчыя памяшканні, кантора, сталовая, жылыя аднапавярховыя  і двухпавярховыя дамы, пабудавана новае крыло для школы, лазня. Бібліятэка цалкам стала займаць былое памяшканне канторы, стаў працаваць Гарадзецкі сельскі Савет, фельдшарска-акушэрскі пункт, аддзяленне сувязі. У гэты час на тэрыторыі саўгаса сталі праводзіць электраэнергію, радыё.

​

У 1971 годзе прыйшоў малады кіраўнік Панамарэнка Васіль Васільевіч, які  узначальваў саўгас да 1982 года. Гаспадарка, а разам з ім і вёска Гарадзец набывала новае аблічча. Працягвалася будоўля  новай вуліцы з аднапавярховымі і двухпавярховымі дамамі, на фермах ручная праца замянялася на машынную. Заработная плата значна вырасла, а з ёй і павышаўся ўзровень жыцця вяскоўцаў: у кожнай хаце з’явіліся тэлевізары, радыёлы, пральныя машыны, электрычныя прасы, магнітафоны. За час кіравання Васіля Васільевіча не толькі вёска Гарадзец знайшла новы выгляд, а таксама і малыя вёскі, што ўваходзілі ў склад гаспадаркі. Кожную вясну падсыпалі і зараўноўвалі дарогі, з’яўляліся новыя крамы, закладваліся падмуркі дамоў новых вуліц. У 1982 годзе ў вёсцы Гарадзец быў адкрыты новы Дом культуры, дзе размясціліся пакоі кружкавой працы, танцавальная зала, канцэртная зала, пакой рэгістрацыі шлюбу.

​

Пасля Панамарэнкі саўгас узначаліў малады кіраўнік – Барысевіч Віталь Анатольевіч, які працягваў пачатую працу яго папярэднікаў. У саўгасе з’яўлялася новая тэхніка: камбайны, трактары, машыны, будаваліся новыя тыпавыя жывёлагадоўчыя памяшканні з механізаваным абсталяваннем. Працягвалася будаўніцтва вуліцы Цэнтральнай і  Новай. Першыя навасёлы засялілі новыя дамы. Усіх дамоў было пабудавана 16 па вуліцы Новай і 5 па вуліцы Цэнтральнай. 

​

У лютым 1987 года саўгас узначаліў Лукашэнка Аляксандр Рыгоравіч – малады, энергічны, думаючы па сучаснаму кіраўнік. Прааналізаваўшы эканоміку гаспадаркі, арганізацыю працы, ён пачаў выкарыстоўваць новыя формы арганізацыі працы. Доўгі шлях пошукаў і перабудовы дазволіў выбудаваць новую сістэму арганізацыі і аплаты працы, у аснову якой ўзялі найбольш прагрэсіўную форму – арэндны падрад. Саўгас пачаў працаваць ва ўмовах самаакупаемасці і самафінансавання, перайшоў на поўны гасразлік.

​

У 1990–1994г.  А. Р. Лукашэнка выбіраецца народным дэпутатам Вярхоўнага Савета Рэспублікі Беларусь, дзе з 1993 года ўзглаўляе камісію па барацьбе з карупцыяй.

​

Але рэарганізацыя, будаванне і развіццё ў саўгасе не спыняецца. Будуецца новая сучасная лазня, дамы ў малых вёсках Крывель, Слабодка, Путнікі, заасфальтаваны ўсе дарогі ў вёсцы Гарадзец, на цэнтральных вуліцах усіх малых вёсак.  У вёсцы Гарадзец працягваецца новабудоўля па вуліцы Новая і закладаецца новая вуліца, якую потым назавуць Маладзёжнай. Першыя навасёлы тут заселяцца ў 1993 годзе.  

​

У 1994 годзе Лукашэнка Аляксандр Рыгоравіч абіраецца Прэзідэнтам Рэспублікі Беларусь. Пасаду дырэктара саўгаса «Гарадзец» заняў Кірын Віктар Мікалаевіч (1994 – 1998гг.). Паступова завяршалася будоўля па вуліцы Маладзёжнай.

І калі ў 1996 годзе адбылася Чарнобыльская катастрофа, палова дамоў былі адданы для перасяленцаў з зоны адсялення.

​

У 1991 г. 175 гаспадарак, 459 жыхароў, цэнтр саўгаса «Гарадзец», які  спецыялізаваўся на мясамалочнай жывёлагадоўлі  i вырошчванні  тэхнічных культур.

​

У 1990–я гг. меў  4949 га сельскагаспадарчых угоддзяў, у тым ліку 3897 га ворыва, 65 трактароў, 23 збожжауборачныя камбайны, 23 грузавыя аўтамашьны. Дзейнічалі дзіцячыя яслі–сад, 8-гадовая шко­ла, бібліятэка, Дом культуры, стацыянарная кінаустаноўка, сталовая, магазін, грамадская лазня, фельчшарска–акушэрскі пункт, комплексны прыёмны пункт бытавога абслугоўвання насельніцтва, аддзяленне сувязі, аўтаматычная тэлефонная станцыя.

​

У1997 г. у вёсцы 183 гаспадаркі, 470 жыхароў.  Працавалі вучэбна-педагагічны комплекс «Дзіцячы сад–сярэдняя агульнаадукацыйная школа», бібліятэка аграгарадка Гарадзец, Дом культуры, фельчшарска–акушэрскі  пункт, аддзяленне сувязі, комплексны прыёмны пункт бытавога  абслугоўвання насельнщтва.

​

У 2007 г. у складзе сельскагаспадарчага прыватнага УП «Акцыянерны ашчадны банк «Гарадзец».

​

Дзякуючы Дзяржаўнай праграме «Адраджэнне і развіццё вёскі на 2005 – 2010 гады» вёска Гарадзец у 2006 годзе атрымала статут аграгарадка, а цэнтральная сядзіба саўгаса «Гарадзец» – сельскагаспадарчае прыватнае унітарнае прадпрыемства «ААТ Гарадзец».

​

Галоўнымі відамі эканамічнай дзейнасці прадпрыемства ажыццяўляюцца наступныя віды:

• вырошчванне зернавых і зернабабовых культур;

• вырошчванне маслічных культур і іх семян;

• вырошчванне кармавых культур і іх семян;

• вырошчванне прадзільных культур і іх семян;

• развядзенне буйна-рагатай жывёлы.

​​

На працягу 2005–2006 гадоў быў ўведзены ў строй новы малочна-таварны комплекс, зернаток, машынны двор, новая рамонтная майстэрня аграгарадка Гарадзец, зроблены рэканструкцыі малочна–таварных ферм брыгады Слабодка і Путнікі.