Мой родны кут – часцінка Беларусі,

З табой ніколі я не разлучуся,

Пакуль пульсуе ў маіх жылах кроў.

Ты для мяне адзіная на свеце,

Уночы зоркай пуцяводнай свеціш,

Мая святыня і мая любоў.

                                                                Я. Крупенька

​

     Шклоўшчына – пладавітая, шчодрая зямля, край з цікавай і старажытнай гісторыяй, славутымі людзьмі і памятнымі мясцінамі. У яе палёў-лясоў пазычыў сілу не адзін дзесятак асоб творчых і таленавітых.

  Шклоўская цэнтральная бібліятэка прапануе серыю віртуальных падарожжаў аб прыродных, гістарычных і культурных помніках, традыцыях і звычаях малой радзімы, якія раскрываюць прыгажосць, разнастайнасць і самабытнасць роднай зямлі.