Лёс кожнай вёскі – гэта перапляценне лёсаў многіх пакаленняў, хто сваімі ратнымі і працоўнымі подзвігамі пісаў і піша біяграфію вёскі. Геаграфічныя імёны, якія ўзніклі ў глыбокай старажытнасці дзеля арыентавання, з’яўляюцца зараз не проста сімваламі на карце, а каштоўнымі помнікамі гісторыі і культуры. Яны спалучаюць у сабе цікавыя звесткі пра гаспадарку, культуру і побыт нашых продкаў. Цяжка ўявіць сабе чалавека без кроўных сувязяў з роднай зямлёй, без каранёў, якія ўваходзяць у глыбіню стагоддзяў.